کِم جونگ باز آونج، نتاں سارا کجھ ونجا ڈیسیں، صدر ٹرمپ دی تڑی

واشنگٹن ۔ 9 دسمبر (اے پی پی) امریکی صدر ڈونلڈ ٹرمپ شمالی کوریا دے رہنماءکِم جونگ ان کوں چتاونڑیں ڈتی اے جو او امریکا دی مخاصمت اچ سارا کجھ ونج بہسے ۔ انہاں اے تڑی آلا بیان شمالی کوریا دے کہیں وڈے ہتھیار دے تجربے دے ردعمل اچ جاری کیتے ۔ایندے تے ٹرمپ ہک ٹویٹ اچ آکھیے جو کم جونگ بہوں کجھ ونجا بہسی اگر او ایںعمل کوں جاری رکھیندے ۔صدر ٹرمپ ٹویٹ اچ آکھیے جو شمالی کوریا کِم جونگ دے زیر قیادت اقتصادی ترقی دے شاندار موقع دا حامل ملک اے لیکن اینکوں وعدے دے مطابقو جوہری ہتھیاراں توں دستبردار تھیونڑاں پوسی، نیٹو ، چین ، روس ، جاپان اتے پوری دنیا دا ایں معاملے اچ ہکا موقف اے ۔