اسلام آباد ۔ 4 دسمبر (اے پی پی) وزیرِ اعظم عمران خان آکھیا جو کہیں سالیں توں استعمال نہ تھیونڑ آلی ارباں دی جائیداددی آمدنڑ کوں سکولاں،کالجاں،ہسپتالاں جیہی بنیادی سہولتاں دی چنگائی تے خرچنڑ حکومت دی پالیسی اے،ارباں دی جائیداد دے باوجود وفاقی ادارے سالانہ ارباں روپے دا گھاٹاں چیندے پن،ماضی اچ انہاں قیمتی جائیداداں کوں استعمال نہ کر تے وسلائی کیتی گئی اے۔انہاں گالھیں انہاں مختلف وزارتاں اتے وفاقی حکومت دے ادریاں دی استعمال نہ ہوونڑ آلی جائیداد کوں استعمال اچ گھن آونڑ بارے اجلاس توں خطاب کریندیں ہوئیں آکھی۔اجلاس اچ وفاقی وزیر برائے بحری امور علی حیدر زیدی، وفاقی وزیرِ نجکاری میاں محمد سومرو، وزیر اعظم دے معاونِ خصوصی برائے اوورسیز پاکستانیز سید ذوالفقار عباس بخاری، وزیر اعظم دی معاون خصوصی برائے اطلاعات ڈاکٹر فردوس عاشق اعوان، ترجمان وزیرِ اعظم ندیم افضل چن، وفاقی سیکرٹری صاحبان، سینئر وفاقی اتے صوبائی افسرشریک تھیے۔ سیکرٹری نجکاری رضوان ملک ملک وزارتاں اتے وفاقی حکومت دے محکمیاں دے اداریاں دی کئی املاک کوں مثبت طریقے نال استعمال اچ گھن آونڑ اتے انہاں دی نجکاری بارے ڈسیا۔
