ہواوے دا امریکا اچ قائم ریسرچ سینٹر کینیڈا منتقل کرنڑ دا اعلان

بیجنگ ۔ 4 دسمبر (اے پی پی) چین دی وڈی ٹیکنالوجی کمپنی ہواوے امریکا اچ قائم اپنڑاں ریسرچ سینٹر کینیڈا منتقل کرنڑ دا اعلان کیتے۔ چین دے نشریاتی ادارے دے مطابق اجوکے سال جون اچ امریکی ریاست کیلیفورنیا دے شہر سانتا کلارا دے دے نیڑے واقع سیلیکون ویلی اچ واقع ریسرچ سینٹر اچ چھی سو لوکاں دیاں ملازمتاں ختم کرڈتیاں گیاں ہن ،اے کائنی ڈسایا گیا جو کینیڈا اچ ریسرچ سینٹر کتھاں بنڑایا ویسی۔ چینی کمپنی اے فیصلہ امریکی پابندیاں دے تناظر اچ کیتے۔ ہواوے ایں وقت دنیا اچ سمارٹ فون بنڑاونڑ آلی ڈوجھی وڈی کمپنی اے ،ساریں توں وڈی کمپنی جنوبی کوریا دی سام سنگ اے ۔