ہیملٹن ۔ 3 دسمبر (اے پی پی) نیوزی لینڈ کرکٹ ٹیم دے کپتان اتے مایہ ناز بلے باز کین ولیمسن اتے مڈل آرڈر بلے باز راس ٹیلر شاندار بلے بازی دا مظاہرہ کریندے ہوئیں انگلینڈ دے خلاف ڈوجھی اننگز اچ ناقابل شکست سنچریاں سکور کیتن ،ڈوہیں کھلاڑیاں ہیملٹن ٹیسٹ دی ڈوجھی اننگز اچ شروع دیاں ڈو وکٹاں ڈھنڑ دے بعد منگل کوں میچ دے پنجویں تے چھیکڑٰ ڈینھ نیوزی لینڈ ٹیم دے کپتان کین ولیمسن اتے مڈل آرڈر بلے باز راس ٹیلر انگلش باﺅلرز دے سامنڑے چٹان بنڑ گے تے نہ صرف ناقابل شکست سنچریاں بنڑائیاں بلکہ تریجھی وکٹ تے 213رنز دی ناقابل شکست شراکت قائم کیتی ۔اے کین ولیمسن دے ٹیسٹ کیریئر دی 21 ویں سنچری ہئی جڈاں جو راس ٹیلر دے ٹیسٹ کیریئر دی 19 ویں سنچری ہئی۔
