اسلام آباد ۔ 4 دسمبر (اے پی پی) وفاقی وزیر تعلیم و پیشہ وارانہ تربیت شفقت محمود آکھیے جو 18ویں آئینی ترمیم دے بعدبہوں تبدیلیاں آئن،5 سال توں 16 سال دے بالاں دی تعلیم ریاست دی ذمہ داری اے، وفاق کہیں دی حدود و اختیارات اچ مداخلت نئیں کرنڑ چاہندا۔اے گالھ انہاں انسٹیٹیوٹ آف سوشل اینڈ پالیسی سائنسز (آئی سیپس)ولوں پاکستان دے تعلیمی چیلنجز بارے اسلام آباداچ تھیونڑ آلی قومی کانفرنس نال خطاب اچ کیتے ۔ انہاں آکھیے جو سادے نظام تعلیم اچ ناانصافی اے، ملک اچ ترائے نظام تعلیم چلدے پن، 25 لکھ بال مدارس ویندن،اساں لٹریسی معاملات ڈیکھڑن اتے تہوں نظام تعلیم بارے چیلنجز قومی پالیسی اچ رلائن۔انہاں آکھیے جو وفاقی حکومت ہک قومی نصاب بنڑیندی پئی اے جیندا اطلاق مدارس تے وی تھیسی،تعلیم بارے ہک مصدقہ ڈیٹا کٹھا کرنڑ کیتے وی طریقہ کاربنڑیندے پئے ہیں،مدارس دے بال اگلے چار سال اچ قومی نصاب دے تحت میٹرک اتے ایف اے امتحانات دا حصہ بنڑسن۔
