ڈو ہزار19ءاچ ٹیلی کام دے شعبے اچ 340 ملین ڈالردی براہ راست غیر ملکی سرمایہ کاری

اسلام آباد ۔ 24 دسمبر (اے پی پی) 2019ءاچ ٹیلی کام دے شعبے اچ 340 ملین ڈالر دی براہ راست غیر ملکی سرمایہ کاری (ایف ڈی آئی) کیتی گی اے جڈاں جو اکتوبر 2019ءدے چھیکڑ تے پورے ملک اچ تھری اتے فور جی صارفین دی تعداد 7 کروڑ 30 لکھ توں ودھ گئی اے ، اجوکے سال ٹیلی کام دے شعبے دی مالی کاکردگی دے حوالے نال رلیا ملیا رحجان رہیے ۔ ٹیلی کام شعبے دے ماہرین آکھیے جوسال 2019ءاچ ایں شعبہ اچ 340 ملین ڈالر دی براہ راست غیر ملکی سرمایہ کاری کیتی گئی اے جڈاں جو 2018ءاچ شعبے اچ کیتی ونجنڑ آلی ایف ڈی آئی دی شرح منفی 7 فیصد رہی ہئی۔ انہاں آکھیے جو ایف ڈی آئی دے حوالے نال جاری سال ٹیلی کام دے شعبے کیتے بہوں خوشگوار ثابت تھئے تے ٹیلی کام دی خدمات ڈیونڑ آلیاں کمپنیاں ولوں صارفین کوں معیاری خدمات دی فراہمی کیتے باری سرمایہ کاری کیتی گئی اے ۔