اسلام آباد ۔ 4 جنوری (اے پی پی) فیڈرل بورڈ آف ریونیو(ایف بی آر)آکھیے جو اجوکے مال سال دے پہلے چھی مہینے اچ ٹیکس وصولی اچ 16.3فیصدودھاراتھئے جیڑھی2015-16ءدے بعد ٹیکس وصولی دی سب توں ودھ شرح اے۔ہک بیان اچ ایف بی آرآکھیے جو اقتصادی سرگرمیاں اچ کمی دے باوجود فیڈرل بورڈ آف ریونیو ترقی دی اے شرح پار کرنڑ کیتے بہوں محنت کیتی اے،پہلی سہہ ماہی اچ ادائیگیاں اچ عدم توازن پاروں 2,367 ارب دے اصل ہدف کوں2,197 ارب اچ بدلیا گئے۔اے رجحان ڈوجھی سہہ ماہی اچ وی جاری رہے۔ہک پاسو پنج ارب ڈالردے ایں کمپریشن نال کرنٹ اکاﺅنٹ دی صورتحال چنگی تھئی اے اتے ڈوجھے پاسو حکومت دے معمول دے محصولاتی وسائل تے منفی اثرپئے۔ایف بی آرامید کیتی اے جو اقتصادی سرگرمیاں دے ممکنہ طور تے ودھنڑ اتے درآمدات دے ممکنہ استحکام نال ایف بی آرایں سال غیرمعمولی ٹیکس وصول کریسی۔