سیریز دے ترائے میچ 24,25اتے27جنوری کوں قذافی اسٹیڈیم لاہور اچ کھیڈیے ویسن
ہنڑ ساکوں وننگ ٹریک تے آونڑاں پمسی،تجربہ کاری نینگر کھڈاریاں دا چنراﺅ قومی ٹیم دی کارکردگی اچ بہتری گھن امسی،کھڈاریاں دی عمدہ کارکردگی کوں ڈیکھدیں ہوئیں قومی اسکواڈ اچ کجھ تبدیلیاں کیتیاں گئن،مصباح الحق
محمد حفیظ اتے شعیب ملک کوں رلاونڑ بارے اپنڑی درخواست دی منظوری تے سلیکشن کمیٹی دا شکریہ ادا کرینداں،کپتان بابراعظم
لاہور۔16 جنوری(اے پی پی )بنگلہ دیش دےخلاف ٹی ٹونٹی سیریز سانگے قومی اسکواڈ دا اعلان، شعیب ملک، محمد حفیظ اتے شاہین شاہ آفریدی دی اسکواڈ اچ واپسی تھی اے۔سیریز دے ترائے میچ 24,25اتے27جنوری کوں قذافی اسٹیڈیم لاہور اچ کھیڈیے ویسن۔اسکواڈ اچ بابراعظم( کپتان)، احسان علی، عماد بٹ، حارث رو ¿ف، افتخار احمد، عماد وسیم ، خوشدل شاہ، محمد حفیظ ، محمد حسنین ، محمد رضوان( وکٹ کیپر)، شاہین شاہ آفریدی، شعیب ملک اتے عثمان قادر شامل ہن۔ایں موقع تے چیف سلیکٹر مصباح الحق آکھیا جو ہنڑ ساکوں وننگ ٹریک تے آونڑاں پمسی،تجربہ کاری نینگر کھڈاریاں دا چنراﺅ قومی ٹیم دی کارکردگی اچ بہتری گھن امسی،کھڈاریاں دی عمدہ کارکردگی کوں ڈیکھدیں ہوئیں قومی اسکواڈ اچ کجھ تبدیلیاں کیتیاں گئن۔
