ملتان ۔14جنوری(اے پی پی)معروف ماہر نفسیات مریم رزاق آکھیے جو نفسیاتی مسلیں دا شکار لوکاں دے خیالات ،عادات ، عمل، ردعمل ،روزانہ دے معاملات اچ تبدیلیاں تھیندیاں رہ ویدن ۔عالمی ادارہ صحت دے مطابق پوری دنیا اچ 45کروڑ توں ودھ لوک کہیں نہ کہیں نفسیاتی مرض دا شکار ہن ۔انہاں آکھیے جو اے تعداد انہاں لوکاں دی اے جنہاں دا ریکارڈ موجود اے ۔جڈاں جو بہوں وڈی تعداد ایجھے لوکاں دی وی ہے جنہاں دا علاج کیتا ہی کائنی ویندا ۔انہاں آکھیے جو عالمی ادارہ صحت دے مطابق پوری دنیا اچ ہر چار اچوں ہک بند کہیں نہ کہیں حد تئیں دماغی یا نفسیاتی مرض دا شکار تھیندے جیں کیتے اینکوں علاج دی ضرورت ہوندی اے ۔نفسیاتی مسئلے تاں کئی ہن لیکن ڈپریشن عام اے ۔ طبی اصطلاح اچ افسردہ موڈ کوں ڈپریشن آکھیا ویندے جیں دی حالت گھٹ توں گھٹ 2ہفتہ رہندی اے ۔ڈپریشن کہیں وی عمر دے لوکاں کوں تھی سگدے ۔