آسٹریلیا اچ جنگل کوں بھاہ لگنڑ پاروں متاثراں زناوراں دی گول تے بچاونڑ دا مشن شروع

سڈنی۔ 13 جنوری (اے پی پی)آسٹریلیا اچ زناوراں دی فلاح بہبود دے گروپ جنگل اچ بھاہ لگنڑ پاروں ہزاراں زناوراں دی گول تے انہاں کوں بچاونڑ دے مشن تے کم شروع کرڈتے ۔ آسٹریلوی ذرائع ابلاغ دے مطابق جنوبی آسٹریلیادے جنگل اچ وڈے پیمانے تے بھاہ لگی تے بھاہ لگنڑ پاروں سڑیے، زخمی، دھوئیں نال بےہوش اتے بئی صورت حال نال ڈوچار جنگلی حیات کوں بچاونڑ کیتے زناوراں دی فلاح بہبود دی تنظیم کم شروع کرڈتے ۔تنظیم آکھیے جو او خیراتی ادارہ برائے ہیومن سوسائٹی انٹرنیشنل دی بنڑائی گی ٹیم نال رل تے زخمی زناوراں دی بحالی ،خوراک تے پانڑیں دی فراہمی تے طبی امداد دا کم چنگے طریقے کریندے پن ۔ انہاں آکھیے جو جنگل اچ بہوں اوکھے منظر ہن جنہاں دا مشاہدہ کیتا گیا ۔ انہاںآکھیے جو بھاہ 2 لکھ 15 ہزار ہیکٹر رقبے تے کھنڈ گئی اے جیں دے نتیجے اچ 32 ہزار زناور مر گن تاں جو اساڈی ٹیم زناوراں دی ہر ممکن مدد کیتے پرعزم اے ۔