اسلام آباد ۔ 20جنوری(اے پی پی) محکمہ موسمیات دے مطابق آندے 24 گھنٹے دے دوران ملک دے اتلے، وسطی/ مغربی علاقیں اچ موسم جھڑ آلا رہسی ، شمال مغر بی بلو چستان، خیبر پختو نخوا دے پہاڑی علا قیں ، اتلے پنجاب تے اسلام آباد، کشمیر گلگت بلتستان اچ کجھ جہیں تے مینھ وسنڑ تے پہاڑاں تے برف باری دی توقع اے ۔پنجاب دے بہوں سارے میدانی علاقے اتلے سندھ اچ رات تے سویلے کوہیڑ پوونڑ دا امکان اے تے ملک دے بئے علاقیں اچ موسم رکھا تے ٹھڈا رہسی ۔رپورٹ دے مطابق گذریل24 گھنٹے اچ ملک دیاں بہوں ساریاں جہیں تے موسم رکھا جڈاں جو شمالی علاقیں اچ ودھ سارا پالا پیا ۔ سنوار کوں ریکارڈ کیتے گے گھٹ توں گھٹ درجہ حرارت دی رپورٹ دے مطابق سکردو اچ درجہ حرارت منفی 20 ڈگری سینٹی گریڈ، استور منفی 16، گو پس منفی13، کالام، پاراچنار منفی 10، بگروٹ منفی 9، دیر، مالام جبہ، قلات منفی 5 اتے کوئٹہ اچ منفی 3 ڈگری سینٹی گریڈ ریکارڈ کیتاگے۔
