اسلام آباد ۔ 23جنوری(اے پی پی) محکمہ موسمیات دے مطابق آندے 24گھنٹے ملک دیاں بہوں ساریاں جہیں تے موسم ٹھڈا تے رکھا کہیں جاہ تے جھڑ آلا رہسی۔تاں جو شمال مغر بی بلوچستان، اتلے پنجاب، اتلے خیبر پختونخوا، کشمیر، گلگت بلتستان اتے اسلام آباد اچ کجھ جہیں تے مینھ وسنڑ تے پہاڑاں تے برف باری دا امکان اے ۔رپورٹ دے مطابق گزریل 24گھنٹے دے دوران ملک دے بہوں سارے علاقیں اچ موسم ٹھڈا تے رکھا جڈاں جو مظفر آباد اچ ہک ملیی میٹر مینھ وسیا ۔خمیس کوں ریکارڈ کیتے گے گھٹ توں گھٹ درجہ حرارت دی رپورٹ دے مطابق سکردو اچ درجہ حرارت منفی 18،کا لا م منفی 14، بگروٹ منفی 13، استور، پارا چنار،گو پس منفی 11، ہنزہ منفی 9، مالم جبہ منفی 6، راولا کوٹ، مری، دیر، کوئٹہ منفی 4 اتے دروش اچ منفی 3 ڈگری سینٹی گریڈ ریکارڈ کیتا گے ۔
