اسلام آباد ۔ 21 جنوری (اے پی پی) محکمہ موسمیات دے مطابق آندے 24 گھنٹے اتلے خیبر پختو نخوا، کشمیر، گلگت بلتستان اچ کہیں کہیں جاہ تے جڈاں جو اتلے پنجاب تے اسلام آباد اچ کجھ جہیں تے مینھ وسنڑ تے پہاڑاں تے برف پوونڑ دا امکان اے تاں جو جنوبی پنجاب اچ رات تے سویلے کوہیڑ پوونڑ دا امکان اے تے ملک دیاں بیاں جہیں تے موسم رکھا تے ٹھڈا رہسی ۔ رپورٹ دے مطابق گزریل24 گھنٹے اچ خیبر پختونخوا، کشمیر، بلوچستان، گلگت بلتستان دے ضلعیں اچ کہیں کہیں جاہ تے جڈاں جو اسلام آباد، راولپنڈی، مری، اٹک، لاہور، ڈی جی خان، ملتان، اوکاڑہ اتے حافظ آباد اچ کجھ جہیں تے مینھ وسیا۔ مالم جبہ، کالام، دیر، سکردو، بگروٹ، پاراچنار اتے مری اچ برف باری ریکارڈ کیتی گئی اے تے ملک دے بئے علاقیں اچ موسم ٹھڈا تے جزوی طور تے جھڑ آلارہیا ۔ایں دوران مالم جبہ اچ 12ملی میٹر، پاراچنار 9، دیر 9، بالاکوٹ 8، کاکول 5، سیدو شریف 4، میر کھانی، کالام، چیراٹ 2، بنوں، پشاور ہک ، مظفرآباد 9، گڑھی دوپٹہ 7، کوئٹہ 5، قلات 4، مری 4، اٹک 2، بہاولپور، اسلام آباد ہک۔ بگروٹ 2، سکردو اتے گوپس اچ ہک ملی میٹر مینھ وسیا ۔ایندے علاوہ مالم جبہ اچ6 انچ، بگروٹ 3، مری، پاراچنار 2، سکردو، اپر دیر اتے کالام اچ ہک انچ برف باری ریکارڈ کیتی گئی اے ۔ منگل کوں ریکارڈ کیتے گے گھٹ توں گھٹ درجہ حرارت دی رپورٹ دے مطابق سکردو اچ درجہ حرارت منفی 17، استور، گو پس منفی12، بگروٹ، پاراچنار منفی 10، مالام جبہ منفی 5 اتے کالام اچ منفی 4 ڈگری سینٹی گریڈ ریکارڈ کیتا گے ۔
