اسلام آباد ۔ 7 جنوری (اے پی پی) وزیر مملکت موسمیاتی تبدیلی زرتاج گل وزیر آکھیے جو اساڈا مقصد احتساب دے قانون کوں فعال تے ایندی پہنچ کوں متعین کرنڑ اے ۔اپنڑے ٹویٹ اچ زرتاج گل آکھیے جو اساڈا موقف واضح اے ، اساڈی سرزمین کہیں بئے ملک دے خلاف استعمال کائناں کرنڑ ڈتی ویسی تے نہ ہی اساں کہیں دی جنگ اچ رلسوں ۔ انہاں آکھیے جو اساڈا مقصد صرف احتساب دے قانون کوں فعال بنڑاونڑ تے ایندی پہنچ کوں متعین کرنڑ اے ۔ایں قانون کوں (ن) لیگ خود اپنڑے دور اچ متعارف کرایا ہئی ، ہنڑ کیویں ایں قانون کوں کالا قانون اکھیندن ۔جڈاں ڈوجھے حکومتی ادارے موجود ہن تاں کاروباری برادری کوں نیب دے زیر اثر گھن آونڑ بے معنی امر ہئی ۔
