اقوام متحدہ دا اسرائیل کوں غزہ توں پابندیاں چاونڑ دا مطالبہ

OLYMPUS DIGITAL CAMERA

مقبوضہ بیت المقدس۔23جنوری(اے پی پی) اقوام متحدہ اسرائیلی ریاست کوں فلسطین دے علاقے غزہ دی پٹی تے لاتیاں گیاں اقتصادی پابندیاں کوں بلا جواز قرارڈیندے ہوئیں انہاں کوں وختی چاونڑ دا مطالبہ کیتے ۔مرکزاطلاعات فلسطین دے مطابق اقوام متحدہ دے سیکرٹری جنرل دے ترجمان سٹیفن دوجارک نیویارک اچ ہک پریس کانفرنس اچ آکھیے جو غزہ دی پٹی تے لاتیاں گیاں پابندیاں نال لکھاں فلسطینی مشکلات دا شکار ہن ۔ترجمان آکھیے جو جڈاں تئیں فلسطینیاں اتے اسرائیل دے درمیان سیاسی جھیڑے دا حل نی کڈھیا ویندا تاں اوں وقت تئیں عالمی برادری کوں فلسطینیاں دے سارے شعبیں اچ مدد کرنڑیں ہوسی ۔اقوام متحدہ دے عہدیدار آکھیے جو اقوام متحدہ مقبوضہ فلسطینی اراضی اچ اپنڑیاں ذمے واریاں کوں پورا کرنڑ دے عزم دا اعادہ کریندی اے ۔ عالمی ادارہ بین الاقوامی برادری توں اپیل کریندے جو او غزہ دی پٹی دی ناکہ بندی ختم کراونڑ کیتے اسرائیل تے دباﺅ پاوے تے فلسطینی علاقیں اچ لاتیاں گیاں پابندیاں مکایاں ونجن ۔