نیویارک۔ 24 جنوری (اے پی پی) اقوام متحدہ دے سیکرٹری جنرل انتونیو گوتریس 21ویں صدر اچ ترقی تے نویں امکانات تے منڈلیندے ہوئیں چار خطریں نال نبڑنڑ دی ضرورت دی نشاندہی کرڈتی ۔جاپانی نشریاتی ادارے دے مطابق جنرل اسمبلی نال خطاب اچ انہاں جوہری عفریت، ماحولیاتی بحران، عالمی طاقتاں وچال ودھدی ہوئی بداعتمادی اتے ڈیجیٹل دنیا دے تاریک پہلو توں لاحق خطریں کوں ”چارآفات“ قرارڈتا۔ انتونیو گوتریس جوہری طاقتاں تے اعتماد سازی کیتے زور ڈیندے ہوئیں آکھیے جو ”جوہری عفریت کھنڈا پئے“۔ انہاں ماحولیاتی تبدیلیاں بارے آکھیے جو زمین سڑدی پئی اے۔ کوپ 25 مذاکرات دا حوالہ ڈیندے ہوئیں انہاں آکھیےی جو ”فیصلہ سازاںدی وڈی تعداد وقت ضائع کریندی پئی اے“۔ سیکرٹری جنرل عندیہ ڈتے جو اقوام متحدہ بین الاقوامی برادری دے اتحاد کیتے کوششاں دی اعانت کریسی ۔
