اللہ تعالی پاکستان کوں وڈے وسائل ڈتن،معاشی ترقی دا ویلھا آگئے، عثمان بزدارہی وزیراعلیٰ راہسن،جیکر کوئی بیا آیا تاں ویھ ڈینہہ وی نہ چلسی وزیراعظم عمران خان دی پنجاب دے تحریک انصاف دے صوبائی اسمبلی دے اراکین نال گالھ مہاڑ

APP58-26 LAHORE: January 26 – Prime Minister Imran Khan meets Members of Punjab Provincial Assembly. APP

لاہور۔ 26 جنوری (اے پی پی)وزیراعظم عمران خان آکھیے جو اللہ تعالی پاکستان کوں بہوں وڈے وسائل ڈتن، 2019ءمعیشت کوں سنبھالنڑ اتے استحکام دا سال ہاجڈاں جو 2020ءترقی دا سال ہوسی، معیشت اچ استحکام آگئے،عثمان بزدار تے پورا اعتماد اے،جیونڑ اچ اچ جھک آندن بھل ایندا دلیری نال مقابلہ کرنڑا چاہیدے۔اے گال وزیراعظم پنجاب دے پاکستان تحریک انصاف دے صوبائی اسمبلی دے اراکین نال ملنر ویلھے آکھی جو پچھلا سال بہوں اوکھا ہا بھل ہنڑ الحمداللہ معیشت اچ استحکام آگئے،اساں اوکھ توں نکل ائے ہیں،اساں روزگارڈیونڑے اتے صنعتی ترقی کیتے کم کرنڑے،اج پورا جگ پاکستان اچ سرمایہ کاری کیتے دلچسپی ڈکھیندا پئے،ڈیووس اچ عالمیا قتصادی فورم اہم ثابت تھیسی،اساں جیڑھیاں انتظامی، سماجی، معاشی اتے اقتصادی تبدیلیاں گھدی آندے ہیں انہاں نال ملک ترقی و خوشحالی دا تھمبا بنڑسی۔انہاں آکھیے جو خارجہ پالیسی دی سطح تے ہک سال اچ ہک اہم اتے چنگے ملک دے طور تے ابھریے ہیں،ساڈے سارے ملکاں نال تعلقات بحال تھیندے پین،پورا جگ پاکستان تے اعتماد کریندا پئے اتے ایندی نویں قیادت تے اعتبار کریندے،عوام دے مسلے ترجیحی بنیاد تے حل کرنڑ کیتے مربوط حکمت عملی بنڑائی ویندی پئی اے،کوئی بھل اچ نہ راہوے جو پنجاب اچ عثمان بزدارکوں بدلیا ویسی،اوہے ہی وزیر اعلیی راہسن جیکر کوئی بیا آیا تاں یقین اے جو ویھ ڈینہہ وی نہ چل سگسی۔