ایرانی صدر حسن روحانی نال مثبت اتے تعمیری ملاقات تھئی اے، وزیر خارجہ شاہ محمود قریشی دا ٹویٹ

اسلام آباد ۔13جنوری(اے پی پی) وزیر خارجہ شاہ محمود قریشی آکھیے جو ایران دے صدر حسن روحانی نال مثبت اتے تعمیری ملاقات تھئی اے۔ سنوار کوں اپنڑے ٹویٹ اچ وزیر خارجہ آکھیے جو انہاں جھیڑے مکاونڑ دیاں کوششاں دا اعادہ کیتے جیں دی ایرانی صدر حمایت کریندن ۔ انہاں آکھیا اساں علاقائی سلامتی دے حصول کیتے ہر سفارتی کوشش کرنڑ کیتے پرعزم ہوں ایں حوالے نال اساڈا موقف واضح اے جو پاکستان دی سرزمین جنگ کیتے استعمال کائناں تھیسی ۔