نیویارک ۔ 3 جنوری (اے پی پی) عراق اچ امریکی فضائی حملے اچ ایرانی پاسداران انقلاب دی قدس فورس دے سربراہ میجر جنرل قاسم سلیمانی دی ہلاکت دے بعد ایشیااچ اسٹاک مارکیٹ دا رلیا ملیارجحان ڈٹھاگئے جڈاں جو عالمی مارکیٹ اچ تیل دا مل ودھ گئے۔امریکی خبررساں ادارے ’اے پی‘ موجب عراق اچ امریکی فضائی حملے دے بعد شنگھائی اتے ہانگ کانگ اچ بینچ مارکس اچ کمی، آسٹریلیا اتے کجھ جنوب مشرقی ایشیائی مارکیٹس اچ ودھارا ڈٹھا گئے جڈاں جو جاپانی مارکیٹاں بند تھی گین۔امریکی آن لائن فاریکس اونڈادی رپورٹ موجب سرمایہ کاراں وڈے پیمانے تے جغرافیائی و سیاسی غیریقینی پیداتھی گئی اے۔شنگھائی کمپوزٹ انڈیکس 0.3 فیصد کمی نال 3،706.73، ہانگ کانگ کا ہینگ سیکنگ 0.2 فیصد کمی نال 28،482.88 تے پجیے جڈاں جوتائیوان اتے سنگاپور اچ وی انڈیکس گھٹیے۔بئے پاسو ملائیشیا اتے انڈونیشیا دی مارکیٹس اچ ودھارا ڈٹھاگئے۔عالمی مارکیٹ اچ تیل دا مل ڈسنڑ آلا برینٹ کروڈ 3 ڈالر دے نیرے عارضی ودھارے دے بعد لندن اچ 2.14 ڈالر ودھارے دے بعد 68.39 ڈالر فی بیرل تے پج گئے۔نیویارک مرکنٹائیل ایکسچینج اچ الیکٹرانک ٹریڈنگ اچ بینچ مارک یو ایس کروڈ 1.87ڈالرودھارے نال 63.05 ڈالر فی بیرل تے پج چکیے جیڑھا کل 12 سینٹس کمی نال 61.18 ڈالرتے بند تھیا ہا۔
