ایم کیو ایم حکومتی دی اتحادی جماعت اے تے راہسی،،کراچی اچ شہریاں دے بنیادی حقوق، ترقی و خوشحالی دا خواب پورا تھیسی،ڈاکٹر فردوس عاشق اعوان

اسلام آباد ۔ 12 جنوری (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو ایم کیو ایم ساڈی اتھادی جماعت اے تے راہسی وی سہی،سیاسی جماعتاں اچ نظریاتی اختلافات چلدے راہندن،اسد عمردی اگوانڑی اچ حکومتی وفد (اج) ایم کیو ایم دی قیادت نال ملسی،وزیراعظم عمران خان کراچی دا سوجھلا ولا ڈیواونڑ کیتے پرعزم ہین، کراچی دی ترقی، شہریاں دے بنیادی حقوق دا تحفظ اتے و سائل ڈیونڑ تے ہر کہیں دا اتفاق اے۔ہک ٹویٹ اتے نجی ٹی وی چینل نال الیندے ہوئے انہاں آکھیا جو کراچی ساڈی معیشت دی ریڑھ دی ہڈی اے جیندے حقوق اتے شہریاں دی ترقی ساڈی ترجیح اتے فرض اے،کراچی وی ودھدے معاشی استحکام اچ حصہ بنڑسی۔ڈاکٹر فردوس عاشق اعوان آکھیا جوسندھ حکومت دے بین الاقوامی قرضاں کیتے وفاقی حکومت ضمانت ڈتی اے،این ایف سی ایوارڈدے تحت سندھ کوں سارے ممکنہ وسائل ڈتن، حکومت ایم کیو ایم دے تحفظات دور کریسی اتے وعدے پورے کیتے ویسن۔خالد مقبول صدیقی دی کابینہ توں علیحدگی دا اے مطلب نئیں جو ایم کیو ایم وی انجھ تھی گئی اے،انشا اللہ سارے مسلے حل کیتے ویسن۔