اے سال امید ،عوام کوں ریلیف اتے پاکستان دے محروم طبقیاں دے اگو تے ودھنڑ دا سال اے، معاون خصوصی ڈاکٹر فردوس عاشق اعوان دی میڈیانال گالھ مہاڑ

اسلام آباد ۔ 2 جنوری (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو اے سال امید ،عوام کوں ریلیف اتے پاکستان دے محروم طبقیاں دے اگو تے ودھنڑ دا سال اے، امید اے اپوزیشن جماعتاں قومی سلامتی دے معاملے تے ذمہ داری اتے اتحاد ڈکھیسن،ملک اچ وپار اتے سرمایہ کاری سوکھی کرنڑ دے اقدامات ترجیح ہین۔اسلام آباد اچ میڈیا نال گالھ مہاڑ کریندے ہوئے انہاںا ٓکھیا جوپاکستان جیڑھا اوکھ ڈیکھنرا ہا او ڈیکھ گھدے ہنڑ انشا اللہ پاکستان اچ امید،لوکاں کوں ریلیف ڈیونڑ اتے ملک دے پسماندہ اتے محروم طبقیاں کوں اگو تے ودھاونڑ دا سال اے،ملک اچ وپار اتے سرمایہ کاری سوکھی کرنڑ دے اقدامات ترجیح ہین۔ڈاکٹر فردوس عاشق اعوان دا آکھنڑ ہا جو اہم قومی معاملیاں تے پارلیمنٹ کوں اعتماد اچ گھدا ویندا پئے،امید اے جو اپوزیشن جماعتاں قومی سلامتی دے معاملے تے ذمہ داری اتے اتحاد ڈکھیسن،آرمی چیف دی مدت ملازمت اچ توسیع ، چیف الیکشن کمشنر دی تعیناتی ،الیکشن کمیشن دے ارکان دی تقرری سودھا بئے اہم قومی معاملات اپوزیشن سودھا ساریاں سیاسی جماعتاں دی صلاح اتے پارلیمنٹ دے اتفاق نال تیکھے طے کر گھدے ویسن۔انہاں آکھیا جونوجوان ساڈا قیمتی اثاثہ ہین جنہاں کوں خود مختار اتے تکڑا کریندے پئے ہیں،سمندر پار پاکستانی ملکی ترقی اتے تعمیر اچ چنگاں ہتھ ونڈیندے پین، انہاں دے حقوق دا تحفظ کیتا ویسی۔