لندن۔ 21 جنوری (اے پی پی) برطانوی شہزادہ ہیری کینیڈا کیتے روانہ تھی گن۔ برطانوی میڈیا دے مطابق شہزادہ ہیری اپنڑے سارے شاہی اعزازات توں دستبردار تھیونڑ دے بعد برطانیہ توں کینیڈا روانہ تھی گن جتھاں او اپنڑی ذال میگھن مرکل تے پتر آرچی دے نال نویں زندگی دا آغاز کریسن ۔ہک رپورٹ دے مطابق ولی عہد شہزادہ چارلس دے چھوٹے صاحبزادے شہزادہ ہیری چھیکڑی واری بطور شاہی عہدیدار لندن اچ برطانیہ، افریقہ تھیونڑ آلی سرمایہ کاری دے اجلاس اچ شرکت دے بعد وینکوور کیتے روانہ تھن ۔انہاں دی روانگی کوں بکنگھم پیلس توں انجھ تھیونڑ دی علامت سمجھیا ویسی ۔شہزادہ میڈیا نال گال مہاڑ کریندے ہوئیں آکھیا جو اپنڑے پتر نال پرامن زندگی گزارنڑ کیتے شاہی فرائض توں دستبردار تھیونڑ دے علاوہ کوئی ڈوجھا رستہ کائنی ۔
