امریکی صدر ولوں پاکستان بھارت وچال ثالثی دا کردار ادا کرنڑ دی پیشکش پاکستان دی کشمیر دے مسئلے تے کامیاب سفارتکاری آلے پاسے اہم پیش رفت اے،وزیراعظم عمران خان کشمیریاں دے وکیل اتے سفیر بنڑ کراہیں عالمی برادری دا ضمیر جھنجھوڑنڑ دی کوشش کریندے پن،وزیراعظم دے امریکہ دے دورے اچ ڈوہیں ملکاں اچ تعلقات نویں جہت اتے عزم دے نال اگوں ودھدے پن،وزیراعظم عمران خان دا دل بلوچستان دی عوام نال دھڑکدے،او بلوچستان دی ترقی کوں اہمیت ڈیندن،بلوچستان دی ترقی پاکستان دی ترقی نال جڑی اے،معاون خصوصی برائے اطلاعات تے نشریات ڈاکٹرفردوس عاشق اعوان دی کوئٹہ ایئر پورٹ تے میڈیا نال گالھ مہاڑ
اسلام آباد ۔ 22 جنوری (اے پی پی) وزیراعظم دی معاون خصوصی برائے اطلاعات تے نشریات ڈاکٹرفردوس عاشق اعوان آکھیا جو امریکی صدر ولوں پاکستان بھارت وچال ثالثی دا کردار ادا کرنڑ دی پیشکش پاکستان دی کشمیر دے مسئلے تے کامیاب سفارتکاری آلے پاسے اہم پیش رفت اے،وزیراعظم عمران خان کشمیریاں دے وکیل اتے سفیر بنڑ کراہیں عالمی برادری دا ضمیر جھنجھوڑنڑ دی کوشش کریندے پن،وزیراعظم دے امریکہ دے دورے اچ ڈوہیں ملکاں اچ تعلقات نویں جہت اتے عزم دے نال اگوں ودھدے پن،وزیراعظم عمران خان دا دل بلوچستان دی عوام نال دھڑکدے،او بلوچستان دی ترقی کوں اہمیت ڈیندن،بلوچستان دی ترقی پاکستان دی ترقی نال جڑی اے۔او بدھ کوں کوئٹہ ایئر پورٹ تے میڈیا نال گالھ مہاڑکریندی پی ہن۔انہاں آکھیا جو اجوکی بارشاں اتے برف باری نال بلوچستان اچ جانی تے مالی زیان تھیے،وزیراعظم دی ہدایت تے این ڈی ایم اے صوبائی حکومت نال رل تے متاثرین دی بحالی سانگے اقدامات کیتن،متاثرین دی بحالی سانگے صوبائی حکومت نال پورا تعاون کریسوں۔
