بنگلہ دیش دی کرکٹ ٹیم دا علامہ اقبال انٹرنیشنل ایئرپورٹ لاہور پجنڑ تے شاندار استقبال کیتا گے ، ترجمان ایوی ایشن ڈویژن

اسلام آباد ۔ 23 جنوری (اے پی پی) بنگلہ دیش دی کرکٹ ٹیم دا علامہ اقبال انٹرنیشنل ایئرپورٹ لاہور پجنڑ تے شاندار استقبال کیتا گے تے حج لاﺅنج دے ذریعے خیر مقدم کرنڑ دے بعد شاہین ایئرپورٹ سروس گراﺅنڈ ہینڈلنگ ڈتی گئی۔ ایوی ایشن ڈویژن دے ترجمان ڈسائے جو بنگلادیشی ایئرلائن دی فلائٹ 22:34 گھنٹے تے علامہ اقبال انٹرنیشنل ایئرپورٹ تے لینڈنگ کیتی۔ سول ایوی ایشن اتھارٹی، ایئرپورٹ انتظامیہ اتے شاہین ایئر پورٹ سروس دے حکام حج لاونج اچ ٹیم دا خیر مقدم کیتا ۔ ترجمان دے مطابق شاہین ایئرپورٹ سروسز ٹیم کوں گراونڈ ہینڈلنگ مہیا کیتی۔