اسلام آباد ۔ 18 جنوری (اے پی پی) وزیر اعظم دی معاون خصوصی برائے سماجی تحفظ و تخفیف غربت ڈاکٹر ثانیہ نشتر آکھیے جو بے نظیر انکم سپورٹ پروگرام (بی آئی ایس پی) دے گریڈ۔17 دے 4 افسران بدعنوانی اتے مس کنڈکٹ تے ملازمتاں توں فارغ کرڈتے گین۔انہاں افسران دھوکہ نال بی آئی ایس پی توں فیدے کیتے اپنڑیاں زالیں دے نال پاتن اتے مالی فیدہ چاتے۔فارغ کیتے گئے افسران اچ اسسٹنٹ ڈائریکٹر بی ایس پی تحصیل پرووا ڈیرہ اسماعیل خان محمد نعمان زعیم، اسسٹنٹ ڈائریکٹر تحصیل آفس ڈیرہ اسماعیل خان شفیع اللہ، اسسٹنٹ ڈائریکٹر تحصیل آفس ایبٹ آباد سید فضل امین اتے اسسٹنٹ ڈائریکٹر تحصیل آفس پلاس، ایبٹ آباد سبیل خان شامل ہین۔ایں سانگے احساس انٹیگریٹی و انسداد بدعنوانی مہم دے تحت 4 لکھ 40 ہزار روپے وی وصول کر گھدے گین۔
