ترقیاتی کماں سانگے کہیں علاقے کوں وی نظرانداز نہ کیتا ویسی،ارکان اسمبلی اپنڑے حلقیاں اچ عوام نال رابطے رکھین،لوکاں دے مسلیاں دا حل ترجیح اے وزیر اعظم عمران خان دی پنجاب توں منتخب پاکستان تحریک انصاف دے ارکان قومی اسمبلی نال گالھ مہاڑ

APP57-26 LAHORE: January 26 – Prime Minister Imran Khan meets MNAs from Punjab. APP

لاہور ۔ 26 جنوری (اے پی پی) وزیر اعظم عمران خان آکھیے جو ترقیاتی کماں سانگے کہیں علاقے کوں وی نظرانداز نہ کیتا ویسی،ارکان اسمبلی اپنڑے حلقیاں اچ عوام نال رابطے رکھین،لوکاں دے مسلیاں دا حل ترجیح اے۔اے گالھ انہاںپنجاب توں منتخب پاکستان تحریک انصاف دے قومی اسمبلی دے ارکان ملنڑ ویلھے آکھی جو اپنڑے حلقیاں اچ مسلیاں دا حل، لوکاں دی شنڑوائی اتے ترقیاتی منصوبیاں دی ویلھے سر تکمیل یقینی بنڑاونر کیتے عوام نال ودھ رابطہ رکھیا ونجے۔ارکان اپنڑے اپنڑے حلقیاں اچ مسائل،انہاں دے حل کیتے تجویزاں سماجی و معاشرتی مسلے ڈسائے۔وزیراعظم عمران خان صوبائی حکومت، انتظامیہ اتے منتخب نمائندگان دے مربوط اتے موثر مکینزم دی اہمیت ڈسیندے ہوئیں ایندے بارے صوبائی حکومت کوں ہدایات ڈتن۔انہاں آکھیا جو ساڈے منشوردا بنیادی مقصد کرپشن مکاونڑ اے،ہک منظم مافیا معاشرے اچ حکومت دے خلاف منفی تاثر ودھینداپئے،عوام کوں گمراہ کیتا ویندا پئے،جانڑ بجھ تے افراتفری دیاں گالھیں کیتاں ویندن،تاں جو ساڈیاں کامیابیاں دی راہ اچ روڑے پاتے ونجن۔ انہاںواضح کیتے جو حکومت کہیں دی بلیک میلنگ اچ نہ آسی اتے ہر چیلنج دا مقابلہ کیتا ویسی۔انہاں یقین ڈیوایا جو ملک درست سمت اچ ویندا پئے جیندا پورا جگ اعتراف کریندا پئے،عوام سازشی عناصر دیاں گالھیں اچ نہ آون، پاکستان دے چنگے ڈینھ آونڑ آلے ہین۔