انقرہ ۔ 13 جنوری (اے پی پی) ترکی دی وزارت تعلیم اپنڑی اعلی ترین یونیورسٹیاں اچ گریجوایٹ، پوسٹ گریجوایٹ اتے ڈاکٹریٹ دی سطح تے سکالر شپ ڈیونڑ دا اعلان کرڈتے ۔ ترک نشریاتی ادارے دے مطابق ملک دیاں اعلی ترین یونیورسٹیاں سکالرشپ دے خواہشمند طالب علماں کوں آکھیے جو 15 جنوری توں 20 فروری تئیں درخواستاں ڈے سگدن ۔سکالرشپ پاونڑ آلیں کوں یونیورسٹی دے ترجیح ڈیپارٹمنٹس دے منتخب امیدواراں کوں ماہانہ وظیفہ، ہوسٹل اچ قیام، یونیورسٹی خرچے، ہیلتھ انشورینس، ترکش لینگویج کورس اتے سال اچ ہک واری ریٹرن ہوائی ٹکٹ ڈتا ویسی ۔ وزرت آکھیے جو طلبہ و طالبات مزید تفصیلات کیتے متعلقہ ویب سائٹ www.turkiyesholarship.gov.trدا وزٹ کرسگدن ۔
