اسلام آباد ۔31جنوری(اے پی پی)پاکستان اچ امن دی بحالی توں بعد کھیڈاں دے میدان سجدے پین اتے شائقین دی گج وج اے۔سری لنکا اتے بنگلہ دیش دے کامیاب دورے توں بعد ہنڑجنوبی افریقہ دی کرکٹ ٹیم دا پاکستان اچ ترائے ٹی ٹونٹی میچز کھیڈنڑ دا امکان اے جیندے کیتے پروٹیزدی سیکیورٹی ٹیم تیکھے پاکستان دا دورہ کریسی۔جنوبی افریقن کرکٹ بورد موجب اے سیریزمارچ 2020ءاچ پاکستان اچ تھیونڑ آلے پی ایس ایل مقابلیاں دے فوری بعدچھیکڑی ہفتے تھیونڑ دا امکان اے ۔امکان اے جو اے دورہ محدود ہوسی۔ایں ویلھے جنوبی افریقہ دی ٹیم بھارت نال سیریز اچ ردھی ہوئی اے جیندے 18 مارچ کوں مکنڑ تے پروٹیز سکیورٹی وفد پاکستان دادورہ کریسی اتے امن و امان دی صورتحال،ہوٹلز،سٹیڈیم اتے ٹرانسپورٹ اقدامات دا جائزہ گھنسی۔
