اسلام آباد ۔ 2 جنوری (اے پی پی) وزیر مملکت برائے موسمیاتی تبدیلی زرتاج گل آکھیے جو پاکستان تحریک انصاف دی حکومت جنوبی پنجاب صوبے کیتے سنجیدہ کم کریندی پئی اے بھل ایندے کیتے مسلم لیگ (ن)اڑنگیاں گھتیندی پئی اے،جیکر مسلم لیگ (ن)اتے پیپلز پارٹی مخلص ہین تاں کھل تے پی ٹی آئی حکومت داہتھ ونڈاون۔اے گالھ انہاں اسلام آباد اچ ‘اے پی پی”نال الیندے آکھی جو مسلم لیگ (ن) دے شرپسند عناصر جنوبی پنجاب کوں بیا وکھ کرنڑ کیتے بہاولپور صوبہ دی بحالی کیتے پنجاب اسمبلی اچ قرارداد پیش کرتے ثابت کرڈتے جو او جنوبی پنجاب دے عوام نال مخلص کائنی، حکومت سب توں ودھ سیٹاں جنوبی پنجاب توں گھدن اتے اتھو دیاں محرومیاں مکاونڑ کیتے انجھ صوبہ بنڑاونر لوسنجیدگی سنال کم کریندی پئی اے،جیندے کیتے وڈا چیلنج ڈو تریہائی اکثریت دا اے۔ انہاں آکھیے جو اے پاکستان پیپلز پارٹی اتے مسلم لیگ (ن)کیتے آزنائش دا ویلھا اے جو او جنوبی پنجاب کیتے مخلص ہین تاں منافقت دی بجائے کھل تے سادے نال کھڑن اتے انجھ انجھ صوبے دا مطالبہ ہک پاسے رکھ ڈیون۔زرتاج گل آکھیا جو جنوبی پنجاب اچ ڈیرہ غازی خان دے پہاڑی رود کوہیاں اچ 12 لکھ کیوسک توں ودھ پانڑی دی گنجائش اے جیڑھی تربیلا ڈیم توں وی ودھ بجلی پیدا کر سگدی اے،پنجاب حکومت ڈی جی خان دیاں رودکوہیاں تے تیز بارشاں اتے چھل دا پانڑی بچاونڑ کیتے چھوٹے ڈیم بنڑاونڑدی منظوری ڈتی اے جیندے نال بجلی بنڑاونڑ اچ مدد ملسی،سیلابی پانڑی بچاونڑ کیتے وزارت موسمیاتی تبدیلی ”ریچارج پاکستان” منصوبہ تے کم شروع کر ڈتے۔
