اسلام آباد ۔ 19 جنوری (اے پی پی) وفاقی وزیر قومی غذائی تحفظ و تحقیق مخدوم خسرو بختیار آکھیے جو حکومت کولو ملکی لوڑھ دے مطابق کنڑک اتے اٹے دا ودھ ذخائر موجود ہین،سپلائی چین متاثرتھیونڑ اتے بین الصوبائی سطح تے چیکنگ میکنزم پاروں سپلائی اچ تعطل آئے،کنڑک اتے اٹے دا مصنوعی بحران ڈو ترائے ڈینھ اچ مک ویسی،سندھ حکومت کوں 7لکھ ٹن کنڑک گھنڑی ہئی بھل اوں ایندے تے توجہ نئیں ڈتی،خیبرپختونخوا کوں سونوارتوں 10ہزار ٹن گندم روزانہ ڈتی ویسی،صبحائیں توں کھاداں تے 400روپے دا جی اے ڈی سی مکا ڈتا ویسی جیندے نال کھاداں بنڑاونڑ تے گھٹ اخراجات آسن۔اے گالھ انہاں ایم ڈی پاسکو نال پریس کانفرنس کریندے آکھی جو ملک اچ اٹے اتے کنڑک دا کوئی بحران کائنی،ضرورت دے مطابق ہر شے موجود اے،سیزن تے چھیکڑ تئیں ساڈھے اٹھ لکھ ٹن کنڑک اگلے سال دے سٹاک اچ ویسی،ایں ویلھے سرکاری شعبے اتے پنجاب کوں رلا تے 40لکھ ٹن کنڑک حکومت کولو اے آندے سال کیتے حکومت 27ملین ٹن دی پیداوار دا ہدف رکھیے جیندے کیتے وزیراعظم دی ہدایت تے مربوط حکمت عملی تے کم تھیندا پئے، زراعت دی ترقی سانگے حکومت 300ارب روپے دا پیکج ڈتے،حکومت آندے سال کیتے کنڑک خریداری دا ہدف 60لکھ ٹن توں ودھا تے 80لکھ ٹن مقرر کرڈتے۔انہاں آکھیے جو کنڑک اتے اٹے دی افغانستان سمگلنگ روکنڑ کیتے اقدامات کیتے ویندے پین،انشا اللہ کنڑک اتے اٹے دا مصنوعی بحران ڈو ترائے ڈینھ اچ مک ویسی۔
