اسلام آباد ۔ 28 جنوری (اے پی پی) سپیکر قومی اسمبلی اسد قیصر آکھیے جو حکومت کوں خستہ حال معیشت ورثے اچ ملی اے جیں کوں بہتر کرنڑ کیتے اقدامات کیتے ویندے پن ،قومی مسئلیں دے حامل معاملات تے قانون سازی پارلیمنٹ دی ذمے واری اے ،سی پیک پاکستان خصوصاََ گلگت بلتستان دی ترقی اچ اہم کردار ادا کریسی ، سی پیک دے تحت جاری منصوبیں دی تکمیل نال گلگت بلتستان اچ ترقی اتے خوشحالی دے رستے کھلسن ۔اے گال انہاں منگل کوں سپیکر گلگت بلتستان اسمبلی فدا محمد نوشاد نال ملاقات کریندے ہوئیں آکھی اے ۔ ملاقات اچ گلگت بلتستان اچ جاری ترقیاتی منصوبیں سمیت قانون سازی متعلق اہم امور تے گال مہاڑ کیتی گی ۔ ملاقات اچ اسد قیصر آکھیا جو ملک معاشی مسئلیں دا شکار اے جیں نال نبڑنڑ کیتے موجودہ حکومت اوکھے فیصلے کیتن ۔قومی مسئلیں دے حامل معاملات تے قانون سازی پارلیمنٹ دی ذمے واری اے ۔انہاں آکھیے جو سیاحت دے اعتبارنال اساڈے شمالی علاقے خصوصاََ گلگت بلتستان دنیا دی توجہ دا مرکز اے۔ سیاحت دے ودھارے دے ذریعے اساں علاقائی پسماندگی تے بے روزگاری تے قابو پا سگدوں ۔
