ملتان ۔ 29 جنوری (اے پی پی) بہاﺅ الدین زکریا یونیورسٹی ملتان دے شعبہ سرائیکی اچ ایم فل دی پہلی کلاس شروع تھی گئی اے۔ شعبہ سرائیکی اچ ایم فل دا اجراءہائر ایجوکیشن کمیشن دی منظوری دے بعد کیتا گے ۔ابتدائی طورتے ایں کلاس اچ 18سکالرز داخلہ گھدے جیں اچ 8طالبات وی شامل ہن ۔شعبہ سرائیکی دے چار استاد ایم فل دیاں کلاساں گھنسن جیں اچ شعبہ سرائیکی دے سربراہ ڈاکٹر ممتاز کلیانی، ڈاکٹر نعمت الحق، ڈاکٹر خالد اقبال اتے ڈاکٹر نسیم اختر شامل ہن۔ڈاکٹرخالد اقبال اے پی پی نال الویندے ہوئیں آکھیے جو ایں شعبے دا اجرا ءسرائیکی ادب و ثقافت اتے تاریخ دے گوشیں دی بازیابی دے حوالے نال بہوں اہمیت رکھیندے ۔ایں خطے اچ تحقیقی کم دی ضرورت ہمیشہ توں محسوس کیتی ویندی پئی ہئی ۔ ایم فل کلاساں دے اجراءنال نویں موضوع تے تحقیق دا موقع ملسی تے اساں اپنڑے وڈ وڈیریں دی شاندار روایات کوں سانبھ سگسوں۔
