سعودی عرب دافلسطین اتے فلسطینیاں نال اظہار یکجہتی، بھرپور حمایت جاری رکھنڑ دا عزم دوہرائے

ریاض ۔ 29 جنوری (اے پی پی) سعودی عرب فلسطین اتے فلسطینیاں نال اظہار یکجہتی کریندے ہوئے بھرپور حمایت جاری رکھنڑ دا عزم دوہرائے۔اے عزم سعودی عرب دے فرمانروا اتے خادم الحرمین الشریفین شاہ سلمان بن عبدالعزیز آل سعود فلسطینی اتھارٹی دے سربراہ محمود عباس کوں ٹیلیفون تے کیتے اتے یقین ڈیوائے جو انہاں دی مملکت فلسطینی قوم دے نال کھڑی اے،مسئلہ فلسطین اتے مظلوم فلسطینی قوم کیتے سادا موقف اج وی اوہو اے جیڑھا مملکت دے بانی شاہ عبدالعزیز دے دوراچ ہا،فلسطینی قوم اپنڑی خواہش اتے مرضی نال جیڑھا وی فیصلہ کریسی،سعودی عرب اوندی حمایت کریسی۔فلسطینی اتھارٹی دے سربراہ محمود عباس ایں حمایت تے شکریہ ادا کیتے۔