اسلام آباد ۔ 28 جنوری (اے پی پی) صدر مملکت ڈاکٹر عارف علوی چیف سکاﺅٹ آف پاکستان دی حیثیت نال عہدے دا حلف چا گھدے۔ حلف برداری دی تقریب منگل کوں اتھاں ایوان صدر اچ تھئی ۔ وفاقی وزیر وفاقی تعلیم و پیشہ ورانہ تربیت شفقت محمود، پاکستان سکاﺅٹس ایسوسی ایشن دے عہدیداران تے بئی اہم شخصیات وی ایں موقع تے موجود ہن ۔صدر مملکت تقریب نال خطاب کریندے ہوئیں آکھیا جو اے انہاں کیتے باعث افتخار اے جو انہاں قائد اعظم دی پیروی کریندے ہوئیں اج پاکستان دے چیف سکاﺅٹ دی حیثیت نال حلف چاتے ۔ انہاں آکھیا جو او اپنڑے طالب عالمی دے دور اچ وی سکاﺅٹ رہ چکن تے انہاں کوں بہوں کجھ سکھنڑ کوں ملیا ۔ صدر مملکت آکھیا جو قیام پاکستان دے بعد بہوں اوکھیں مسئلیں دا ادراک کریندے ہوئیں قائد اعظم قوم کوں واضح سنھیا ڈتا جو تعمیر پاکستان دے رستے اچ گھبراونڑاں کائنی ،انہاں آکھیے جو قوم دی تاریخ ایجھیاں مثالاں نال بھری پئی اے جنہاں قوت ارادی، علم اتے اپنڑے کردار نال دنیا اچ اپنڑی جاہ بنڑائی اے ،اج اساکوں انہاں اصولاں تے چلدے ہوئیں ملک کوں ترقی دے رستے تے ٹورنڑاں اے ۔
