جنیوا ۔ 15 جنوری (اے پی پی) ایران دے وزیر خارجہ محمد جواد ظریف ملک اچ کشیدہ صورتحال پاروں اپنڑاں سوئٹزرلینڈ دورہ منسوخ کرنڑ دا فیصلہ کیتے۔ جواد ظریف کوں سوئٹزرلینڈ دے شہرڈیووس اچ منعقد تھیونڑ آلے عالمی اقتصادی فورم (ڈبلیو ای ایف ) دی 50 ویں سالانہ اجلاس اچ حصہ گھننڑاں ہئی ۔ڈبلیو ای ایف دے صدر بورج برینڈ ایں بارے آکھیے جو میں سمجھداں جو اساکوں ایران دے وزیر خارجہ محمد جواد ظریف دا دورہ منسوخ کرنڑ دے فیصلے کوں سمجھنڑاں چاہیدے ۔انہاں ایران تے علاقے دی موجودہ صورت حال پاروں اے فیصلہ کیتے ۔عالمی اقتصادی فورم دے اجلاس اچ امریکی صدر ڈونلڈ ٹرمپ اتے جرمنی دی چانسلر انجیلا مرکل سمیت 50 توں ودھ ملکاں دے رہنما شرکت کریسن ۔ایں اجلاس اچ معیشت، ماحولیاتی اتے پائیدار ترقی دے علاوہ زمینی سیاسی مسلیں تے گال مہاڑ تھیسی ۔ عالمی رہنما مغربی ایشیادی موجودہ صورت حال تے خاص طورتے گال مہاڑ کریسن ۔
