واشنگٹن ۔ 14 جنوری (اے پی پی) امریکہ عراقی انتظامیہ کوں تڑی ڈتی اے جو اگر اساڈے فوجیاں کوں کڈھیا تاں اساں نیو یارک فیڈرل بینک اچ انہاں دے اکاﺅنٹ منجمد کر ڈیسوں ۔دی وال سٹریٹ جنرل دے مطابق عراق پٹرول ویچنڑ توں ملنڑ آلی رقم نیویارک فیڈرل بینک اچ رکھیندے اگر انہاں دے اکاونٹ کوں منجمد کرڈٹا ویندے تاں ملک کوں مالیاتی نظام اچ اوکھ دا سامنڑاں کرنڑاں پوسی ۔امریکہ دے نیویارک فیڈرل بینک عراق دے مرکزی بینک دے اثاثیں دی مقدارمتعلق کوئی معلومات کائنی ڈتی تاں جو عراق اچ مرکزی بینک توں جاری مالیاتی اعداد شمار دے مطابق 2018ءدے چھیکڑ تئیں بینک دے نیویارک فیڈرل بینک اچ اوورنائٹ ڈپازٹ دی مقدار 3 بلین ڈالر دے نیڑے ہئی ۔عوے دے مطابق نیویارک فیڈرل بینک ڈے پوری دنیا دے 250 دے نیڑے مرکزی بنکاں تے بئے غیر ملکی سرکاری اداریں دے اکاﺅنٹ موجود ہن ۔
