بغداد ۔ 13 جنوری (اے پی پی) عراق دے صوبے صلاح الدین اچ قائم ہک امریکی اڈے تے گھٹ توں گھٹ 8 میزائل ماریے گن جیں دے نتیجے اچ بہوں سارے عراقی فوجی زخمی تھی گن ۔العربیہ نیوزچینل دے مطابق بلد ایئربیس تے کئی میزائل ماریے گن جیں دے نتیجے اچ بہوں سارے عراقی فوجی زخمی تھی گن جڈاں جو فوجی اڈے کوں ضیان پجے ۔سکیورٹی میڈیا سیل ڈسائے جو بلد اڈے تے 8 کتیوشہ راکٹاں نال حملہ کیتا گے جیں دے نتیجے اچ عراقی فضائیہ دے ہک اہلکار سمیت بہوں سارے عراقی شہری زخمی تھی گن ۔عراقی سرزمین تے امریکا اتے ایران وچال جھیڑے دے بعد کہیں امریکی فوجی اڈے تے اے تریجھا حملہ اے ۔ کجھ ڈینھ پہلے ایران براہ راست عراق اچ ڈو امریکی فوجی اڈیں تے میزائل حملے کیتے گے ہن ، انہاں حملیں دے بعد بلد اڈے توں بہوں سارے امریکی فوجی نکل گے ہن ۔عراقی فوج دے ذرائع آکھیے جو بلد فوجی اڈے تے ہنڑ صرف 15 امریکی فوجی اتے ہک جنگی طیارہ بچے ۔ باقی سارے اتھوں ٹرگن ۔
