عمران خان کرپشن اتے کرپٹ عناصر نال کڈاہیں سمجھوتہ کیتے نہ کریسن،کرپشن کنگزٹرانسپرنسی انٹرنیشنل دی رپورٹ اپنڑے گناہ لکاونڑ کیتے استعمال کرنڑ دی ناکام کوشش اچ لگے ہوئن،ڈاکٹر فردوس عاشق اعوان دی میڈیانال گالھ مہاڑ

APP05-24 ISLAMABAD: January 24 – Special Assistant to the Prime Minister on Information and Broadcasting, Dr Firdous Ashiq Awan talking to media. APP

اسلام آباد ۔ 24 جنوری (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان کرپشن بارے ٹرانسپرینسی انٹرنیشنل دی رپورٹ مسترد کریندے ہوئے آکھیے جو کرپشن کنگزٹرانسپرنسی انٹرنیشنل دی رپورٹ اپنڑے گناہ لکاونڑ کیتے استعمال کرنڑ دی ناکام کوشش اچ لگے ہوئن،عمران خان کرپشن اتے کرپٹ عناصر نال کڈاہیں سمجھوتہ کیتے نہ کریسن۔پارلیمنٹ ہاﺅس دے باہرو میڈیا نال الیندے انہاں آکھیا جو جیہڑھی ٹرانسپیرنسی انٹرنیشنل دی رپورٹ تے میڈیا، اخبارات، سول سوسائٹی اتے عوام اچ مباحثہ چلدا پئے،ایندی اپنڑی کارکردگی دا جائزہ وی گھنڑا چاہیدے،ایندے ڈیٹاانڈیکس دی ترتیب،عملے اتے وسائل دا کٹھ جور وی سامنڑے آونڑا چاہیدے،اے رپورٹ ٹرانسپیرنسی انٹرنیشنل پاکستان چیپٹر دے سابق سربراہ کوں سابق حکومت ولوں سفیر لاونڑاتے اوکوں ساڈی حکومت داتوسیع نہ ڈیونڑرپورٹ دی شفافیت تے سوال اے۔انہان آکھیے جیکوں عدالتاں کرپشن کنگز قرار ڈتے،انہاں کوں کلین چٹ ڈتی گئی اے جیندامطلب واضح اے جو اے رپورٹ کتنی غیرجانبدار اے۔ڈاکٹر فردوس عاشق اعوان آکھیاجو وزیراعظم عمران خان عوام دے مینڈیٹ تے عمل کریسن اتے پاکستان اچ شفافیت کیتے اپنڑے عمل اتے پالیسی نال جدوجہد جاری رکھسن،کرپشن ذدہ نظام اتے ایندے توں فیدہ چاونڑ آلے اینجھے پروپیگنڈے اچ سازشاں اچ ناکام راہسن۔انہاں آکھیے جو ٹرانسپیرنسیانٹرنیشنل دے تار کرپشن کرنڑ آلیاں جماعتاں نال ملدن حالانکہ پورا جگ اتے وڈے عالمی ادارے پاکستان دی اجوکی قیادت دی تعریف کریندے پین،اینجھیاں رپورٹاں جگ کوں گمراہ نئیں کر سگدیاں جیویں کرپشن کنگز باہرو بیھ تے اینجھاں تنظیماں دے تار ہلیندن۔