اسلام آباد ۔ 20 جنوری (اے پی پی)ماکھی دی صنعت کوں ترقی ڈے تے 20لکھ لوکاں کوں روزگار ڈتا ونج سگدے ، برآمدات اچ ودھارے نال قیمتی زرمبادلہ کما تے قومی معاشی اہداف دے حصول اچ وی مدد مل سگدی اے ، ماحولیاتی تبدیلی دے اثرات نال ماکھی دی پیداوار متاثر تھیندی پئی اے ۔ معروف تجزیہ کار انس خان اپنڑی رپورٹ اچ آکھیے جو ماکھی دی قومی صنعت توں ایں وقت 10 لکھ لوکاں دا روزگار وابستہ اے تاں جو اگر حکومت ایں صنعت تے توجہ ڈیوے تاں 20لکھ لوکاں دے روزگار دا بندوبست کیتا ونج سگدے ۔انہاں مزید آکھیا جو شہد دی صنعت دی ترقی ت ایندی برآمدات دا وی 700 کنٹینرز توں 3 ہزار کنٹینرز تئیں ودھایا ونج سگدے جیں نال قیمتی زرمبادلہ دے حصول اچ 300فیصد تئیں اضافہ کیتا ونج سگدے ۔انہاں آکھیے جو پاکستان اچ بیری دا شہد پوری دنیا اچ مشہور اے تے عرب ملک ایندی وڈی درآمدی منڈی ہن ۔انہاں آکھیے جو ماحولیاتی تبدیلیاں دے اثرات نال شہد دی پیداوار متاثر تھیندی پئیاے ۔۔ طوفانی مینھ تے برف باری نال درجہ حرارت اچ کمی پاروں پیداوار اچ کمی دا ڈر اے ۔
