اسلام آباد ۔ 3 جنوری (اے پی پی) وزیراعظم دے مشیر خزانہ و محصولات ڈاکٹر عبدالحفیظ شیخ پاکستان کیتے200 ملین ڈالردی معاونت تے متحدہ عرب امارات دے ولی عہد اتے یو اے ای دی مسلح فوج دے ڈپٹی سپریم کمانڈر شیخ محمد بن زید النہیان دا شکریہ ادا کیتے۔ گزریل ڈینھ ٹویٹر تے جاری پیغام اچ انہاں آکھیے جو متحدہ عرب امارات دی معاونت کوں ملک اچ چھوٹے کاروباری دی ترقی تے خرچ کیتا ویسی ۔ انہاں آکھیے جو یو اے ای ولوں پاکستان دی معاونت نال ڈوہیں ملکاں وچال ودھدے ہوئے اقتصادی تعلقات تے دوستی دی عکاس ہوندی اے ۔ متحدہ عرب امارات ولوں اے معاونت خلیفہ فنڈ انٹرپرائز ڈویلپمنٹ دے ذریعے کیتی ویسی ۔ ایں معاونت نال مختلف منصوبیں اچ اختراع کوں یقینی بنڑایا ونج سگسی جیں نال معیشت ترقی کریسی ۔
