اسلام آباد ۔ 2 جنوری (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو اپٹما داوزیراعظم عمران خان اتے انہاں دی معاشی ٹیم دا ٹیکسٹائل برآمدات ودھارے کیتے اقدامات دا خیر مقدم خوش آئند اتے حکومت تے انہاں دے اعتماد دا مظہر اے،اے برآمدات دے ودھارے کیتے حکومت دی مخلصانہ کوششاں داثبوت اے،اونڑ آلے ڈینھاں اچ صنعتاں دے قیام دی پالیسی دا اعلان کیتا ویسی۔ اپنڑے ٹویٹ اچ معاون خصوصی ڈاکٹر فردوس عاشق اعوان آکھیے جو بند صنعتاں دی بحالی کیتے ہنگامی اقدامات کیتے ویسن تاں جو غریب اتے محنت کش مزدور دے گھر داچلہابل سگے۔کپاہ دی فصل ٹیکسٹائل صنعت دے ودھارے کیتے اہمیت رکھدے، زراعت دے شعبے کوں سی پیک دا حصہ بنڑایا گئے،چین دی مددنال ٹیکنالوجی دے استعمال نال کپاس دی پیداوارودھائی ویسی۔وزیراعظم دی سوچ دے تحت زرعی شعبے کوں تکڑا کرنڑکیتے انہاں اہم اقدامات نال برآمدات اچ ودھارا تھیسی،وزیراعظم ٹیکنالوجی دے استعمال نال زرعی ادویات اتے بیج دی اقسام اچ ملاوٹ کرنڑ آلے مافیا دے خلاف وی سخت اقدامات دی ہدایات کیتی اے۔
