مظفرگڑھ ، پرائمری سکول اچ پلر ڈھنڑ پاروں ڈو بالاں دی ہلاکت تے وزیراعلی پنجاب نوٹس گھن گھدا

مظفرگڑھ۔ 21 جنوری (اے پی پی) مظفرگڑھ دی تحصیل علی پور دی وستی اچ گورنمنٹ پرائمری سکول اچ پلر ڈھنڑ نال ڈو بالاں دی ہلاکت تے وزیراعلی پنجاب نوٹس گھن گھدے ۔ المناک سانحے دے ذمے واراں دے تعین کیتے انکوائری کمیٹی بنڑا ڈتی گئی اے ڈپٹی کمشنر مظفر گڑھ انجینئر امجد شعیب ترین تے اسسٹنٹ کمشنر علی پور محمد عرفان ہنجرا سکول دا دورہ کیتا، والدین نال تعزیت اتے ذمے واراں دے خلف کاروائی دا یقین ڈیوایا سکول دے ہیڈ ماسٹر کوں معطل کرڈتے ایس ڈی پی او علی پور وی موقع تے ڈپٹی کمشنر دے رلے ہن یاد رہے جو گزریل ڈینھ علی پور دی ہک وستی اچ گورنمنٹ پرائمری اسکول اچ جھولہ لاونڑ کیتے بنڑایا ونجنڑ آلا کنکریٹ دا پلر ڈھنڑ پاروں 2 بال جاں بحق اتے 5 بال ودھ سارے زخمی تھی گن ڈپٹی کمشنر مظفرگڑھ امجد شعیب ترین ضلع دے سارے سکولاں اچ لگیے جھولیں کیتے محکمہ بلڈنگ توں فٹنس سرٹیفیکیٹ گھننڑ دا حکم جاری کرڈتے ۔