معاشرے دے مختلف پس منظر دے لوکاں کوں ہک مٹھ کرنڑ،معاشرتی ہم آہنگی تکڑی کرنڑ کیتے فنون لطیفہ اتے ثقافت اچ ودھ صلاحیت موجود اے، صدر مملکت ڈاکٹر عارف علوی داتقریب نال خطاب

APP03-26 LAHORE: January 26 - President Dr. Arif Alvi addressing inaugural ceremony of Lahore Biennale 02 at Lahore Fort. APP photo by Tabasam Naveed

لاہور۔ 26 جنوری (اے پی پی) صدر مملکت ڈاکٹر عارف علوی آکھیے جو معاشرے دے مختلف پس منظر دے لوکاں کوں ہک مٹھ کرنڑ،معاشرتی ہم آہنگی تکڑی کرنڑ کیتے فنون لطیفہ اتے ثقافت اچ ودھ صلاحیت موجود اے۔اے گالھ انہاں لاہور قلعہ اچ ڈوسالہ لاہور بئینالے دی افتتاحی تقریب نال خطاب کریندے آکھی،ملک دے عوام خصوصاً بالاں دے تاریخی مقامات ،عجائب گھراں دے دوریاں دی حوصلہ افزائی تھیونڑی چاہیدی اے،لوکاں کوں تاریخ، ثقافت اتے فن نال جوڑیا ونجے، فن اتے فن تعمیر دے بہوں سارے مختلف پہلواں کوں گولنڑ دی لوڑھ اے،اج پاکستان بدل چکیے،عدم تحفظ دے مسائل مک گین،جیونڑ دے معمولات توں نکل تے تفریح کرنڑی چاہیدی اے۔ صدر مملکت متحدہ عرب امارات دی وزیر ثقافت شیخ حور القاسمی دی لاہور بئینالے دے ذریعے لاہور دی ثقافت اگونہی کرنڑ دیاں کوششاں دی تعریف کیتی۔ایں موقع تے متحدہ عرب امارات دے وزیر ثقافت شیخ حور القاسمی ، لاہور بئینالے فاﺅنڈیشن (ایل بی ایف) دے ڈائریکٹر محسن حمید، ایل بی ایف دے چیئرمین عثمان خالد، ایل بی ایف دی ایگزیکٹو ڈائریکٹر قدسیہ رحیم اتے بئے لوک وی موجود ہن۔