مقبوضہ جموں تے کشمیر اتے بھارت اچ غیرجمہوری اتے فاشسٹ نظریہ مسلط کیتا ویندا پے،وزیر اعظم عمران خان

اسلام آباد ۔ 25 جنوری (اے پی پی) وزیر اعظم عمران خان آکھیا جو مقبوضہ جموںتے کشمیر اتے بھارت اچ غیرجمہوری اتے فاشسٹ نظریہ مسلط کیتا ویندا پے۔ہفتے کوں سماجی رابطے دی ویب سائیٹ ٹویٹر تے اپنڑے ہک ٹویٹ اچ وزیراعظم عمران خان برطانوی میگزین ”دی اکانومسٹ“ دے سر ورق دی تصویر شیئر کیتی جئیں اچ میگزین بھارت کوں عدم برداشت آلا ملک قرارڈیندیں ہوئیں لکھیا جودنیا دی ساریاں توں وڈی جمہوریت کوں مودی دے اقدامات نال کیجھے کیجھے خطرات ہن۔وزیراعظم عمران خان آکھیا جو دنیا ہنڑ منیندی پی اے جو مقبوضہ جموں تے کشمیر اتے بھارت اچ غیر جمہوری اتے فاشسٹ نظریہ مسلط کیتا ویندا پے۔اے خطے دی سلامتی اتے امن سانگے ساریاں توں وڈا خطرہ اے۔انہاں آکھیا جو 80لکھ کشمیری اتے بھارت اچ وسنڑ آلے مسلمان پہلے ای مودی دی سفاک پالیسیاں دی بھینٹ چھڑ گئے۔