لاہور۔13 جنوری(اے پی پی ) لا ہو ر سمیت پورے ملک اچ وسدے مینھ پاروں پالا ودھ گے ۔مسلسل مینھ وسنڑ پاروں سڑکاں تے کھڑے پانڑیں پاروں ٹریفک دا نظام بہوں متاثر تھئے ۔ مینھ پاروں کئی علاقیں اچ بجلی دی فراہمی وی معطل تھی گئی اے ۔ محکمہ موسمیات اجوکے ہفتے ملک دیاں بہوں ساریاں جہیں تے مینھ تے پہاڑاں تے برف پوونڑ دی پیشگوئی کیتی اے جڈاں جو آندے 24گھنٹے مزید مینھ وسنڑ تے پہاڑاں تے برف پوونڑ دی وی پیش گوئی کیتی اے ۔آندے 24گھنٹے اچ اتلے تے ادھلے پنجاب دیاں بہوں ساریاں جہیں تے ، اسلا م آ با د، گلگت، بلتستان اتے کشمیر سمیت شمالی علاقے ،جنو بی پنجا ب اچ مینھ وسسی تے پہاڑاں تے برف پوونڑ دا وی امکان اے ۔گزریل 24گھنٹے لاہور ڈویژن سمیت راولپنڈی، گوجرانوالہ، فیصل آباد، اسلام آباد ،گلگت، ، بلتستا ن اتے کشمیر سمیت شمالی علاقیں اچ وقفے وقفے نال مینھ وسنڑ دا سلسلہ جاری رہیا موسم بہوں ٹھر گئے ایندے نال پالا ودھ گے۔ ماہرین آکھیے جوآندے 24گھنٹے اچ لاہور ڈویژن سمیت راولپنڈی، گوجرانوالہ، سرگودھا، فیصل آباد،اسلام آباد ،ملتان اتے ساہیوال ڈویژن اچ مینھ وسنڑ دا امکان اے جڈاں جو ملک دیاں بیاں جہیں تے موسم ٹھڈا ،سویلے کوہیڑ پوسی تے موسم جھڑ آلا رہنڑ دا امکان اے گزریل 24گھنٹے لاہور سٹی اچ 6ائیرپورٹ تے 01، حافظ آباد 77، قصور60، منڈی بہاﺅلدین 24، اٹک22، ٹوبہ ٹیک سنگھ، چکوال16، گوجرانوالہ11، اسلام آباد (ائیرپورٹ17، بوکرا14)،سیالکوٹ سٹی09، منگلا17، مری07، ڈی جی خان09،جھنگ،20، جہلم01، ملی میٹر مینھ وسیے۔
