اسلام آباد ۔ 3 جنوری (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو نویں سال دے شروع تھیونڑ تے متحدہ عرب امارات دے ولی عہد شیخ محمد زید بن النہیان دا دورہ پاکستان ڈو طرفہ تعلقات دی مضبوطی اتے خطے اچ پاکستان دی ودھدی اہمیت داثبوت اتے وزیراعظم عمران خان دیاں قائدانہ صلاحیتاں تے اعتماددا عکاس اے۔ اے گالھ ڈاکٹر فردوس عاشق اعوان ہک ٹویٹ اچ آکھی جو متحدہ عرب امارات ولوں 200 ملین ڈالر دی سپورٹ پاکستان اتے یو اے ای دے معاشی تعلقات کوں واضح کریندے،پاکستان معاشی استحکام دو ویندا پئے،پاکستان مختلف شعباں اچ سرمایہ کاری سانگے امارات دی دلچسپی دا خیر مقدم کریندے۔انہاں آکھیے جو وزیراعظم،ولی عہد کوں مقبوضہ کشمیر دی صورتحال،بھارتی متنازع شہریت قانون اتے این آر سی بارے ڈسائے۔ڈوہاں رہنماواں امت مسلمہ دی بھلائی کیتے ڈو طرفہ تعلقات اگونہے کرنڑتے اتفاق کیتے۔
