اسلام آباد ۔ 21 جنوری (اے پی پی) نیول چیف ایڈمرل ظفر محمود عباسی نال کمانڈر کینیا نیوی ملاقات کیتی جیں اچ سانجھے دلچسپی دے امور بشمول بحری تعاون دے ودھارے تے گال مہاڑ کیتی گی ۔ ترجمان پاک بحریہ دے مطابق کمانڈر کینیا نیوی نیول ہیڈ کوارٹرز اسلام آباد دا دورہ کیتا۔ نیول ہیڈکوارٹرز آمد تے پاک بحریہ دے سربراہ معزز مہمان دا استقبال کیتا تے انہاں کوں روایتی انداز اچ گارڈ آ ف آنر پیش کیتا گیا ۔ معزز مہمان یادگار شہداءتے پھلاں دی چادر چڑھائی تے انہاں دا چیف آف سٹاف تے پرنسپل اسٹاف افسراں نال تعارف کرایا گیا ۔کمانڈر کینیا نیوی پاکستانی بحری جہازاں دی ممباسا اچ میڈیکل کیمپ دے انعقاد دی خصوصی تعریف کیتی۔ بعداچ معزز مہمان کوں ڈتی گی بریفنگ اچ علاقائی بحری سیکورٹی صورتحال سمیت مقبوضہ کشمیر تے پاکستانی موقف بارے ڈسایا گیا ۔ کمانڈر کینیا نیوی دے ایں دورے نال ڈوہیں ملکاں خاص طور تے بحری فوج وچال ڈو پاسے تعاون کوں ودھارا تھیسی ۔
