اسلام آباد ۔ 21 جنوری (اے پی پی) وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو چیف الیکشن کمشنر اتے ممبراں تے کٹھ تھیونڑ جمہوریت دی بہوں وڈی کامیابی اے،مفاہتی عمل اینویں اگوں ودھدا رہسی،پارلیمنٹ اپنڑاں آئینی اتے قانونی کردار نبھیندیں ہوئیں حقیقی معنیاں اچ عوام کوں ریلیف ڈیونڑ دا باعث بنڑسی، وزیراعظم عمران خان اپنڑے دورہ سوئٹزرلینڈ اچ عالمی برادری کوں بھارتی مقبوضہ کشمیر اتے بھارت اچ مسلماناں اتے اقلیتاں دے نال تھیونڑ آلے ظلم اتے بربریت،بھارتی دہشت گردی اتے آر ایس ایس دے نظریہ،پائیدار اتے مستحکم معاشی روڈ میپ بارے ڈسیسین،وزیراعظم عمران خان چھوٹے کاروبار شروع کرنڑ سانگے 74لائسنس اتے این او سی سمیت بئی رکاوٹاں ختم کر ڈیون، وزیراعلی پنجاب سردار عثمان بزدار دی قیادت اچ پنجاب ترقی اتے خوشحالی دا سفر جاری رہسی،رانا ثناءاللہ دے ارمان یکا سانگے انہاں دے سینے اچ دفن تھی گئن،پرویز الہی اساڈی اتحادی ہن اتے رہسن،پنجاب اچ اٹے یا کنڑک دا کوئی بحران کائنی،میڈیا تصور دے ڈوہیں رخ ڈکھائن۔او منگل کوں پی آئی ڈی اچ چیئرمین سرمایہ کاری بورڈزبیر گیلانی دے رلے میڈیا کوں بریفنگ ڈیندی پی ہن۔ہک سوال دے جواب اچ معاون خصوصی ڈاکٹر فردوس عاشق اعوان آکھیا جو کھنڈ بحران یا نرخاں اچ ودھارا وی پراپیگنڈے دے علاوہ کجھ کائنی ،اگر کہیں ڈے بحران پیدا کرنڑ دے ذمہ واراں بارے ثبوت ہن تاں ڈساون حکومت ضروری کاروائی کریسی۔
