وزیراعظم عمران خان دی کرونا وائرس دے کھنڈنڑ دے خدشے پاروں جامع حکمت عملی بنڑاکراہیں ہک ہفتے اچ سفارشاں وزیراعظم آفس کوں بھجواونڑ دی ہدایت

اسلام آباد ۔ 27 جنوری (اے پی پی) وزیراعظم عمران خان ہدایت کیتی جو کرونا وائرس دے کھنڈنڑ دے خدشے پاروں جامع حکمت عملی بنڑاکراہیں ہک ہفتے اچ سفارشاں وزیراعظم آفس کوں بھجوائی ونجے۔سنوار کوں وزیراعظم آفس ولوں جاری بیان دے مطابق وزیراعظم پیشگی حفاظتی اقدامات اتے مربوط حکمت عملی بنڑاونڑ اتے کروناوائرس روکنڑ بارے حکمت عملی بنڑاونڑ سانگے اعلیٰ سطح بین الوزارتی اجلاس سڈنڑ دی وی ہدایت کیتی اے۔ وزیرِ اعظم دے معاون خصوصی برائے نیشنل ہیلتھ سروسز دی صدارت اچ تھیونڑ آلے اجلاس اچ سیکرٹری خارجہ، سیکرٹری نیشنل ہیلتھ سروسز، سیکرٹری داخلہ، سیکرٹری ہوا بازی، صوبائی سیکرٹریز برائے صحت، چیئرمین این ڈی ایم اے، سرجن جنرل پاکستان آرمی تے بئے سینئر افسر شریک ہن۔