اسلام آباد ۔ 15 جنوری (اے پی پی) وزیر اعظم عمران خان بدھ کوں آزاد کشمیر دے دارالحکومت مظفر آباد دا دورہ کیتا۔ وزیر اعظم میڈیاآفس توں جاری بیان دے مطابق وزیر اعظم عمران خان کوں چیف سیکرٹری آزاد جموں و کشمیر اجوکی برف باری تے برفانی بھکل ڈھنڑ پاروں تھیونڑ آلے ضیان بارے ڈسایا ۔انہاں وزیر اعظم کوں امدادی سرگرمیاں دی تفصیل بارے ڈسایا ۔ وزیراعظم عمران خان سی ایم ایچ مظفر آباد اچ زخمیاں دی عیادت کیتی تے انہاں دے علاج بارے پچھیا۔ صدر آزاد کشمیر سردار مسعود خان، وزیر اعظم راجہ فاروق حیدر اتے وفاقی وزیر امور کشمیر و گلگت بلتستان علی امین گنڈاپور وی وزیر اعظم دے رلے ہن۔
